Բրիտանիայում նեոնացիստական զույգը, որը երեխային անվանել է Ադոլֆ Հիտլերի պատվին, ահաբեկչական կազմակերպության անդամակցության համար մեղավոր է ճանաչվել, հաղորդում է Independent-ը:
22-ամյա Ադամ Թոմասը եւ նրա ընկերուհին՝ 38-ամյա Կլաուդիա Փաթաթասը դատապարտվել են աջ ծայրահեղական National Action կազմակերպության անդամներ լինելու համար, որը 2016-ից անօրինական է համարվել: Դատարանում Թոմասը հայտարարել է, որ որդուն Հիտլերի պատվին անվանել է որպես հիացմունքի նշան նացիստական Գերմանիայի առաջնորդին:
Թոմասին նաեւ մեղադրում են «Անարխիստի խոհարարական գիրքը» ձեռք բերելու մեջ, որը ռումբերի պատրաստման հրահանգներ է պարունակում: