Waymo ընկերությունը, որը մտնում է Alphabet հոլդինգի մեջ, մտադիր է դեկտեմբերի սկզբին գործարկել աշխարհի առաջին կոմերցիոն անօդաչու տաքսին, հայտնում է Bloomberg-ը:
Ծառայությունը կաշխատի նոր ապրանքանիշով: Այն կլինի Uber-ի եւ Lyft-ի մրցակիցը:
Գործակալության տվյալներով, տաքսիի նախնական հաճախորդների քանակը սահմանափակվելու է մի քանի հարյուրով, իսկ անօդաչու տաքսիների սպասարկման տարածքը ԱՄՆ-ի Ֆինիքս քաղաքի (Արիզոնա նահանգ) արվարձաններում չի գերազանցի 250 քառակուսի մետրը:
Շահագործումից անմիջապես հետո անօդաչու մինիվենների ղեկին կլինեն «պահեստային» վարորդներ: Նրանք սկզբնական շրջանում կօգնեն հաճախորդներին հարմարվել, ինչպես նաեւ անկանխատեսելի դեպքերի ժամանակ կկարողանան կառավարել տրանսպորտային միջոցը: Ընդ որում ընկերությունը նախատեսում է, որ մեքենաները անօդաչու ռեժմիով կտեղաշարժվեն գրեթե ողջ ընթացքում՝ 99,9 տոկոսից ավելին:
Անցյալ ամսվա վերջին, Waymo-ն թույլտվություն էր ստացել Քալիֆորնիայի ճանապարհներին անօդաչու մեքենաների փորձարկման համար: Դա տեղի էր ունեցել այն բանից հետո, երբ Քալիֆորնիայի իշխանություններն այս տարվա ապրիլին ընդունել էին նոր օրենքներ`թույլ տալով, որ տարբեր ընկերություններ պետական ավտոճանապարհներին լիովին ինքնավար մեքենաներ փորձարկեն: Խոսքը լիովին ավտոմատացված, ինքնակառավարվող մեքենաների մասին է, որոնք կարող են տեղաշարժվել առանց վարորդի:
Նահանգի նոր նորմերը թույլատրում են նման փորձարկումներն իրականացնել առանց վարորդական նստատեղին նստած մարդու, որը արտակարգ իրավիճակում կարող է կառավարել տրանսպորտային միջոցը: