Լեգենդար ծանրորդ Յուրի Վարդանյանին այսօր՝ նոյեմբերի 13–ին, հուղարկավորեցին Կոմիտասի անվան պանթեոնում (ֆոտոռեպորտաժ)։
Մինչ այդ Երևանի Կարեն Դեմիրճյանի անվան մարզահամերգային համալիրում տեղի է ունեցել ԽՍՀՄ սպորտի վաստակավոր վարպետ, Օլիմպիական խաղերի, աշխարհի և Եվրոպայի չեմպիոն Յուրի Վարդանյանի քաղաքացիական հրաժեշտի արարողությունը։ Ծանրորդին հրաժեշտ տալու էին եկել վարչապետի պաշտոնակատար Նիկոլ Փաշինյանը, ԱԺ նախագահ Արա Բաբլոյանը, Կառավարության անդամներ, Սահմանադրական դատարանի նախագահ Հրայր Թովմասյանը, ՀԱՕԿ նախագահ Գագիկ Ծառուկյանը, նախկին եւ գործող պատգամավորներ։
Հիշեցնենք, որ Յուրի Վարդանյանը մահացել է ԱՄՆ–ում 62 տարեկանում։