Ամերիկյան հանրահայտ նկարիչ Էդվարդ Հոփերի «Չինական ռագու» նկարը Նյու Յորքի աճուրդում մոտ 92 մլն դոլարով է վաճառվել՝ տեղեկացնում է BBC-ն։

Աշխատանքը նկարիչը ստեղծել է 1929 թ․։ Այն դարձել է աճուրդում վաճառված նրա ամենաթանկարժեք նկարը։

Էդվարդ Հոփերը հայտնի է իր ժամանակի ամերիկյան կյանքի մասին նկարներով։ Նա մահացել է 1967թ․։ «Չինական ռագու» նկարում, որը 1973թ․ 180 000 դոլարով գնվել էր գործարար Բարնի Էբսուորտի կողմից, պատկերված են չինական ռեստորանում զրուցող երկու կանայք։