2001 թվականից սկսած՝ ԱՄՆ-ի պատերազմները եւ ռազմական գործողությունները Աֆղանստանում, Իրաքում, Սիրիայում եւ Պակիստանում հարկատուների վրա 5,9 տրլն դոլար են նստել։ Այսպիսին են Բրաունի համալսարանում Ուոթսոնի միջազգային եւ հասարակական գործերի ինստիտուտի հետազոտության տվյալները՝ տեղեկացնում է CNBC-ն։
Հետազոտության համաձայն՝ ռազմական գործողությունների հետեւանքով զոհվել է ավելի քան 480 000 մարդ, ավելի քան 244 000 քաղաքացիական անձ սպանվել է։ Եւս 10 մլն մարդ ստիպված են եղել լքել իրենց տները։