Նիդեռլանդները չեն աջակցել եվրոպական բանակի ստեղծման Ֆրանսիայի եւ Գերմանիայի կողմից ակտիվորեն առաջ մղվող գաղափարին՝ տեղեկացնում է ՏԱՍՍ-ը։
Այս մասին ուրբաթ օրը հայտարարել է երկրի վարչապետ Մարկ Ռյուտեն։
«Նիդեռլանդների համար եվրոպական բանակ ստեղծելու գաղափարը շատ հեռուն է գնում,- նշել է նա, - ՆԱՏՕ-ն մնում է մեր պաշտպանական քաղաքականության կարեւոր գործոնը։
Ֆրանսիայի նախագահ Էմանուել Մակրոնը նոյեմբերի 6-ին Europa1-ին տված հարցազրույցում ասել էր, որ Եվրոպան պետք է սեփական միասնական զինված ուժերը ստեղծի։