Գվատեմալայում վերջին մի քանի ժամվա ընթացքում հրաբխային գոտու հարակից բնակավայրերից առնվազն 2995 մարդ է տարհանվել, հաղորդում է «ՌԻԱ Նովոստին»` հղում անելով Prensa Libre-ին:
Թերթը գրում է նաեւ, որ տեղական իշխանությունները հրաբխի շրջանի մոտակա մայրուղիներից մեկի երթեւեկությունը դադարեցրել են:
Գվատեմալայում Ֆուեգո հրաբուխը ժայթքել էր հունիսին: Ողբերգությունն անդրադարձել էր 1,7 մլն բնակչի: Երկրի բնակչությունը 16,6 մլն է: Հրաբխի ժայթքման զոհ էր դարձել ավելի քան 160 մարդ: