Թուրքիայի իշխանությունները ավելի քան 100 զինվորի կալանավորելու մասին կարգադրագիր են տվել, որոնք կասկածվում են իսլամական քարոզիչ Ֆեթուլա Գյուլենի հետ կապերի մեջ: Վերջինիս Անկարան մեղադրում է 2016 թվականի հուլիսի հեղաշրջման փորձի մեջ, հաղորդում է Reuters-ը:
Ստամբուլի գլխավոր դատախազությունը հայտարարել է, որ հրամայել է 50 կասկածյալների կալանավորել, որոնցից վեցը սպաներ են, իսկ մնացածը ռազմական ակադեմիայի ուսանողներ, որոնք հեղաշրջումից հետո հեռացվել են:
Ադանա հարավային նահանգում դատախազները հրամայել են եւս 52 զինվորի կալանավորել, որոնցից 42-ը ծառայում են:
Ավելի քան 77,000 մարդ կալանավորվել է դատավարության ակնկալիքով, իսկ 150 հազար քաղաքացիական ծառայողները, զինվորականները եւ այլ քաղաքացիներ, հեղաշրջումից հետո զտումների շրջանակում աշխատանքից հեռացվել են:
Իրավապաշտպան կազմակերպությունները եւ Թուրքիայի արեւմտյան դաշնակիցները մտահոգություն են հայտնել ճնշումների կապակցությամբ, ասելով, որ նախագահ Թայիփ Էրդողանը ձախողված հեղաշրջումն օգտագործել է որպես այլախոհության ճնշման պատրվակ: