ԱՄՆ-ի պետքարտուղար Մայք Պոմպեոն հայտարարել է Մերձավոր Արեւելքի երկրներում իր շրջայցի ընթացքում, որ անհրաժեշտ է ձեւավորել նոր դաշինք, հաղորդում է ՄԿ-ն՝ հղում կատարելով Sky News Arabia հեռուստաալիքին:

Այդ դաշինքում կներառվեն Սաուդյան Արաբիան, ԱՄԷ-ը, Քուվեյթը, Քաթարը, Բահրեյնը, Օմանը, Հորդանանը եւ Եգիպտոսը: Այն կկոչվի Մերձավոր Արեւելքի ռազմավարական դաշինք (MESA):

Դա անհրաժեշտ է տարածաշրջանում սպառնալիքները կանխարգելելու եւ միացյալ քաղաքականություն ձեւավորելու համար: