Հունվարի 10-ին եւ 12-ին ԱՀ ՊՆ, ՊԲ հրամանատար, գեներալ-մայոր Կարեն Աբրահամյանը ներկա է գտնվել հարավային եւ հյուսիսային ուղղությամբ գործող միավորումներում անցկացված ծառայողական խորհրդակցություններին, որոնց ընթացքում ամփոփվել են միավորումների ու ենթակա զորամասերի 2018թ. արդյունքները:

Արցախի ՊՆ-ից NEWS.am-ին հայտնում են, որ Խորհրդակցությունների ժամանակ, ըստ առանձին ուղղությունների, վեր են լուծվել բոլոր դրական զարգացումներն ու արձանագրված բացթողումները, որոնց ամփոփ գնահատականներից բխեցվել են 2019թ. բանակային տարվա հիմնական առաջնահերթությունները:

Խորհրդակցությունների ընթացքում բանակի հրամանատարը միավորումների եւ զորամասերի հրամկազմին նաեւ խնդիրներ է առաջադրել գալիք ուսումնաշրջանի վերաբերյալ, իսկ նախորդ բանակային տարվա արդյունքներով առավել աչքի ընկած զինվորականներին ու ստորաբաժանումներին խրախուսել պատվոդրոշներով ու արժեքավոր նվերներով: