Հայաստանի ԱԳ նախարարությունն ուշադիր հետեւում է Վենեսուելայում տեղի ունեցող զարգացումներին:
Հայաստանի ԱԳՆ հայտարարության մեջ, մասնավորապես, ասվում է. «Ուշադիր հետեւում ենք Վենեսուելայում տեղի ունեցող զարգացումներին եւ հուսով ենք, որ իրադրությունը խաղաղ հանգուցալուծում կունենա»:
Նշենք, որ Վենեսուելայի ընդդիմության առաջնորդ Խուան Գուայդոն իրեն երկրի ժամանակավոր նախագահ է հռչակել: ԱՄՆ նախագահը, եւս մի քանի երկրներ հայտարարել են, որ նրան ճանաչում են որպես Վենեսուելայի ժամանակավոր նախագահ: Իսկ Թուրքիան հայտարարել է, որ աջակցում է գործող նախագահ Նիկոլաս Մադուրոյին: