Իրանի արտաքին գործերի նախարար Մոհամմադ Ջավադ Զարիֆը կոչ է արել Եվրոպական Միությանը կատարել իր պարտավորությունները Իրանի միջուկային համաձայնագրի շրջանակներում: Եթե ԵՄ-ը ցանկանում է նախապայմաններ առաջադրել իր պարտավորությունները կատարելու համար, ապա Իրանը կարող է հրաժարվել այդ գործարքից, նշել է նա, հաղորդում է Tasnim-ը:
Նրա խոսքերով՝ եթե եվրոպացիները, որպես իրենց պարտավորությունները կատարելու նախապայման, պահանջեն փոփոխություններ կատարել Իրանի հրթիռային ծրագրում եւ անդամակցել փողերի լվացման դեմ պայքարի ֆինանսական միջոցառումները մշակելու խմբին, ապա Թեհրանը բազմաթիվ տարբերակներ կունենա, որոնցից մեկը միջուկային համաձայնագրից դուրս գալն է: