Ազգային անվտանգության հարցերով ԱՄՆ նախագահի խորհրդական Ջոն Բոլթոնը ծաղրել է Մադուրոյին, ում ելույթի ժամանակ լույսն անջատվել է՝ հայտնում է ՌԻԱ նովոստին՝ վկայակոչելով Twitter-ում Բոլթոնի գրառումը։
«Մադուրոյի մաֆիայի համար Վենեսուելայում եկել է «հանգցրեք լույսերի» ժամանակը»,- գրել է Բոլթոնը։
Նա տեղադրել է նաեւ տեսանյութը, որտեղ Մադուրոյի ելույթի ժամանակ լույսը սկսում է թարթել, այնուհետեւ հանգչում է՝ ստիպելով Վենեսուելայի նախագահին ընդհատել ելույթը։ Էլեկտրականության անջատումները հաճախակիացել են Վենեսուելայում տնտեսական ճգնաժամի պատճառով։