Հայաստանում շատ տուրօպերատորներ դժգոհում են ավիատոմսերի բարձր գներից, ինչը հանգեցնում է երկիր այցելել ցանկացող զբոսաշրջիկների հոսքի պակասեցման։ Այս մասին, ներկայացնելով կառավարության 5 տարվա ծրագիրը, փետրվարի 12-ին Ազգային ժողովում ասել Հայաստանի վարչապետ Նիկոլ Փաշինյանը՝ պատասխանելով պատգամավորների հարցերին։
Նա նաեւ նշել է, որ Դավոսում հանդիպել է Մարտին Էռնեկյանի հետ, որի ընկերությունն է կառավարում «Զվարթնոց» եւ «Շիրակ» օդանավակայանները։ «Մենք անկեղծ զրույց ունեցանք, եւ նա ասաց, թե «որտեղ է թաղված շան գլուխը»,- ասել է Փաշինյանը։ Նա նշել է, որ հիմնական խնդիրը ավիավառելիքի մատակարարման համակարգի եւ գների մեջ է։ «Մենք հիմա լրջորեն ուսումնասիրում ենք, թե ինչ կարելի է անել այս ոլորտում։ Հնարավոր է, որ սա (թանկ ավիատոմսերի հետ կապված իրավիճակը- խմբ.) ձեւավորվել է մոնոպոլ մեխանիզմների պատճառով, թեեւ ես չեմ կարող միանշանակ ասել, թե այդպես է որ կա»,- բացատրել է կառավարության ղեկավարը։