ԱՄՆ-ն Լեհաստանի հետ համաձայնության չի հասել նրա տարածքում ամերիկյան զորքերի որեւէ թվաքանակի ավելացման վերաբերյալ: Պենտագոնի ներկայացուցիչ Էրիկը Պահոնը հայատարարել է, որ այդ հարցով բանակցությունները շարունակվում են, գրում է «Ամերիկայի ձայնը»:
«Զինծառայողների թվաքանակի ավելացման կամ այդ հարցով համաձայնագրի մասին ցանկացած ենթադրություն այս պահին անհիմն է», - ասվում է հայտարարությունում:
«Մենք շարունակում ենք մեր լեհ դաշնակիցների հետ քննարկումները եւ դեռ ոչ մի համաձայնության չենք հասել: Մենք համապապատասխան պահի կհայտարարենք մեր բանակցությունների արդյունքների մասին», – ասել է Պահոնը:
Ավելի վաղ Financial Times թերթի հաղորդմամբ՝ Լեհաստանում ԱՄՆ դեսպան Ջորջեթ Մոսբահերը հայտնել էր, որ զորքերի թիվը կավելանա: