Աղետի դրություն է մտցվել Վենեսուելայի հետ սահմանին գտնվող կոլումբիական Կուկուտա քաղաքի շրջանում՝ փետրվարի 23-ին հարեւան երկրի համար նախատեսվող մարդասիրական օգնության հնարավոր խնդիրների հետ կապված։ Այս մասին տեղեկացվում է Հյուսիսային Անտանդեր դեպարտամենտի կայքում, հաղորդում է RT-ն։

Դեպարտամենտի տարերային աղետների ռիսկերի կառավարման խորհրդի համակարգող Ադրիանա Արիասի խոսքով՝ աղետի դրություն մտցնելու առաջարկն արվել է նահանգապետին դեռեւս փետրվարի 11-ին, այժմ արդեն որոշում է կայացվել։