Եթե ընդդիմության չարախնդությունը փոխարինվեր սպորտային «չարությամբ», ապա մենք երազանքի խորհրդարան կունենայինք: Փետրվարի 14-ին Ազգային ժողովում Կառավարության ծրագրի քննարկման ժամանակ այս մասին ասաց «Իմ քայլը» իշխող դաշինքից պատգամավոր Հովիկ Աղազարյանը:
Ընդ որում նրա խոսքով մյուս կողմից Կառավարությունը պետք է վերահսկողության ոլորտում օգտագործի ընդդիմության ներուժը:
«Մեր ընդդիմությունը կազմված է շատ պատրաստված եւ զարգացած անհատներից», - ասաց պատգամավորը՝ հավելելով, որ Կառավարության ծրագրում, չնայած քննադատությանը, կարելի է բավականին շատ թվեր եւ ցուցանիշներ գտնել: