Կուբայի իշխանությունները կրկին հերքել են ամերիկացի եւ կանադացի դիվանագետների խորհրդավոր հիվանդություններին իրենց առնչության մասին պնդումները։ Ինչպես հայտնում է AP-ն, կուբացի պաշտոնատար անձինք տեղեկատվություն են ներկայացրել մի շարք խորհրդավոր հիվանդությունների մասին, որով տառապում են Հավանայում գտնվող ամերիկացի եւ կանադացի դիվանագետները՝ կրկին հայտարարելով, որ չկա որեւէ ապացույց, թե հիվանդությունների ախտանշաններն առաջացել են բարձր տեխնոլոգիաների միջոցով հարձակումների հետեւանքով։
Նրանք նշել են, թե չեն բացառում, որ դիվանագետները հիվանդացել են, սակայն ենթադրում են, որ շատ դեպքերում խոսքը սովորական հիվանդությունների մասին է եղել։