Թուրքիան ակնկալում է նոյեմբերին ստանալ ամերիկյան F35 կործանիչներ։ Այս մասին հայտարարել է պաշտպանության նախարար Հուլուսի Աքարը, տեղեկացնում է Hurriyet-ը։
«Չնայած որոշ հայտարարություններին՝ F35-ի մատակարարումների գործընթացը հարթ է ընթանում, մեր օդաչուները, նորոգող թիմը շարունակում են ուսանել ԱՄՆ-ում»,- ասել է Աքարը։ «Մենք ակնկալում ենք F35 կործանիչները ստանալ նոյեմբերին (արեւելյան) Մալաթիա նահանգում, համապատասխան նախապատրաստություններն արդեն ավարտվել են»,- հավելել է նա։
Նրա խոսքով՝ Թուրքիան շարունակում է իր ավանդը ներդնել F35-ի որոշ մասերի ստեղծման եւ արտադրության գործում։