Մարտի 14-ին Աբու Դաբիի էմիրության թագաժառանգ, ԱՄԷ զինված ուժերի գերագույն հրամանատարի տեղակալ շեյխ Մուհամմադ բին Զայեդ Ալ Նահյանը մայրաքաղաք Աբու Դաբիում Զայեդի անվան մարզադաշտում հանդիսավոր արարողության ժամանակ ազդարարեց Special Olympics World Games Abu Dhabi 2019 մրցաշարի մեկնարկը: Հատուկ Օլիմպիական խաղերը խոշորագույն, մարդասիրական սպորտային միջոցառում է, որն առաջին անգամ է անցկացվում Մերձավոր Արեւելքում: Այս նպատակով Աբու Դաբի են ժամանել աշխարհի 190 երկրների առավել քան 7500 պատվիրակներ, որոնց թվում է նաեւ` Հայաստանը:

Խաղերի բացման հանդիսավոր արարողությանը ներկա է գտնվել ԱՄԷ-ում ՀՀ դեսպան Մհեր Մկրտումյանը: