Մարտի 14-ին, ժամը 11.55-ին, ոստիկանության Ստեփանավանի բաժնի ծառայողները, գողություն կատարելու կասկածանքով, Վարդաբլուր գյուղից բերման են ենթարկել 1998 թ. ծնված Էրիկ Ի.-ին:

Ոստիկանությունից NEWS.am-ին հայտնում են, որ նա խոստովանական բացատրություն է տվել, որ 2019 թ. փետրվար ամսվա սկզբին Վարդաբլուր գյուղում ապօրինի մտել է բնակիչներից մեկի տան բակ եւ այնտեղ գտնվող մթերային խանութի հետնամասի մուտքի դռան վրա գտնվող բանալիով բացել է փականը, մուտք է գործել խանութ եւ պահարանի դարակից գողացել 37.000 դրամ, որից երկու օր հետո նույն եղանակով գողացել է 50.000 դրամ: Ըստ Էրիկ Ի.-ի խոստովանական բացատրության՝ օրեր անց կրկին նույն եղանակով մի քանի անգամ մուտք է գործել նույն խանութ եւ գողացել գումար, սակայն վերջին անգամ գողանալիս իրեն նկատել է խանութի սեփականատերը եւ ձայն է տվել իրեն, սակայն ինքը դիմել է փախուստի, իսկ գողացված ընդհանուր 114.000 դրամը ծախսել է իր անձնական կարիքների համար:

Կատարվում է քննություն: