Եգիպտոսի լրատվամիջոցների գլխավոր կարգավորիչն ավելի կոշտ սահմանափակումներ է գործարկել, որոնք պետությանը թույլ են տալիս արգելափակել կայքերը եւ անգամ սոցցացերի ավելի քան 5000 բաժանորդներով էջերը, եթե դրանք ազգային անվտանգության համար սպառնալիք են համարվում, գրում է AP-ն:
Նոր կանոնները լրատվամիջոցների կարգավորման Բարձրագույն խորհրդին թույլ են տալիս «ֆեյք լուրերի» պատճառով արգելափակել կայքերը եւ հաշիվնրը եւ մինչեւ 250 000 եգիպտական ֆունտի (14 400 դոլար) չափով տուգանք կիրառել:
9 էջից բաղկացած փաստաթուղթը արգելված թեմաների ցուցակ է պարունակում, այդ թվում «որեւէ բան, որը դրդրում է օրենքի խախտմանը, ռասիզմին, անհանդուժողականությանը, բռնությանը, քաղաքացիների միջեւ խտրականությանը կամ ատելությանը»:
ԶԼՄ-ները, որոնք կշարունակեն վիրավորական նյութեր հրապարակել, 5 մլն եգիպտական ֆունտով կտուգանվեն:
Հայտնի եգիպտացի լրագրողները այդ միջոցներն անվանել են հակասահմանադրական՝ նշելով, որ դրանք իշխանություններին լայն լիազորություններ են տալիս լրատվամիջոցներին գրաքննության ենթարկելու համար՝խախտելով մամուլի հիմնական ազատությունները: