Երբ խոսքը վերաբերում է Վենեսուելայում ճգնաժամին, դիտարկվում են «բոլոր տարբերակները», հայտարարել է ԱՄՆ-ի նախագահ Դոնալդ Թրամփը իր բրազիլական գործընկեր Ժաիր Բոլսոնարոյի հետ մամուլի ասուլիսի ժամանակ:
Նրա խոսքերով՝ անհրաժեշտության դեպքում ԱՄՆ-ը կգործադրեն «ավելի կոշտ» պատժամիջոցներ նախագահ Նիկոլաս Մադուրոյի դեմ: Թրամփը հիշեցրել է Վենեսուելայում վերջերս էլեկտրաէներգիայի անջատման մասին եւ ասել, որ «այնտեղ կատարվում են սարսափելի իրադարձություններ եւ մենք պետք է վերջ տանք ներկայիս ծանր իրավիճակին» :
«Մենք կոչ ենք անում վենեսուելական բանակի զինծառայողներին դադարել աջակցել Մադուրոյին, որն իրականում Կուբայի խամաճիկ է»,-հայտարարել է Թրամփը: