Մի քանի օր հետո ավարտվում է «Արփա-Սեւան» թունելի վերանորոգման աշխատանքների ամփոփումը. թունելը բացվելու է: Այս մասին այսօր՝ մարտի 22-ին, լրագրողների հետ զրույցում ասաց բնապահպանության նախարար Էրիկ Գրիգորյանը՝ պատասխանելով այն հարցին, թե ի՞նչ է անում նախարարությունը Սեւանից ավելի քիչ ջուր բաց թողնելու համար:
Նրա խոսքով, «Արփա-Սեւանի» շնորհիվ հնարավոր կլինի մինչեւ 16 խմ ջուր բաց թողնել. ««Սեւանից բաց թողնվող ջրի նպատակը ոռոգումն է, իսկ ոռոգման համակարգում հաշվառումը բացահայտում է: Հեկտարով են ջուր վերցնում: Հաշվարկ պետք է արվի, թե պահանջարկն ինչքան է: Չկա որեւէ նախանշան, որ մինչեւ 170 մլն խորանարդ մետրից ավել ջուր բաց կթողնվի, որը նախատեսված է օրենքով: Դա կախված կլինի ջրապահանջարկից»,-ասաց նախարարը՝ հավելելով, որ այս տարի առնվազն այսօրվա դրությամբ ջրային ռեսուրսները կլինեն ավելին, քան անցյալ տարի: