ԱՄՆ նախագահ Դոնալդ Թրամփը հայտարարել է, որ կարգադրել է հետ կանչել ԿԺԴՀ-ի դեմ լրացուցիչ պատժամիջոցները՝ հայտնում է ՌԻԱ Նովոստին։
«Այսօր ֆինանսների նախարարությունը հայտարարեց, որ լրացուցիչ խոշորամասշտաբ պատժամիջոցներ կավելացնի նրանց, որոնք արդեն սահմանված են Հյուսիսային Կորեայի հանդեպ։ Ես այսօր կարգադրել եմ հետ կանչել այդ լրացուցիչ պատժամիջոցները»,- գրել է Թրամփը՝ չմեկնաբանելով իր որոշումը։
Նա նաեւ չի ասել, թե ինչ պատժամիջոցների մասին է խոսքը։ ԱՄՆ ֆինանսների նախարարությունը ԿԺԴՀ-ի դեմ որեւէ նոր պատժամիջոցների մասին չի հայտարարել։ Նախօրեին նախարարությունը հայտնել էր չինական եւս երկու ընկերությունների դեմ պատժամիջոցներ սահմանելու մասին։