92 տարեկան հասակում մահացել է իսրայելական «Մոսադ» հատուկ ծառայության լեգենդար հետախույզ Ռաֆի Էյտանը՝ հայտնում է Associated Press-ը։
Էյտանը եղել է Իսրայելի հատուկ ծառայության հիմնադիրներից մեկը։
Նա 1960թ․ Արգենտինայում ղեկավարել է Հոլոքոստի «ճարտարապետ» Ադոլֆ Էյհմանի առեւանգման գործողությունը եւ տարել է նրան Երուսաղեմում դատարան, ինչով ընդմիշտ մտել է Իսրայելի պատմության մեջ։
«Ռաֆին, որ կատարել է անհամար առաքելություններ՝ հանուն Իսրայելի անվտանգության, դարձել է Իսրայելի պետության հատուկ ծառայությունների հերոսներից մեկը։ Նրա իմաստնությունը, սրամտությունը եւ պատասխանատվության զգացումը Իսրայելի ժողովրդի եւ մեր պետության առաջ, հավասարը չունեին»,- Էյտանի մասին ասել է երկրի վարչապետ Բենիամին Նեթանյահուն։