Անսարք շարժասանդուղքի ձայնը խուճապ է առաջացրել Փարիզի «Դիսնեյլենդ» զվարճանքների այգում, հաղորդում է Լենտա.Ռու-ն՝ հղում կատարելով Le Point-ին:

Կոտրված մեխանիզմը սկսել է կրակոցներ հիշեցնող ձայներ արձակել: Չհասկանալով՝ ինչ է կատարվում՝ մարդիկ փախուստի են դիմել:

Վկաների պնդմամբ, զվարճանքների այգու աշխատակիցները եւս չէին հասկանում՝ ինչ է կատարվում: «Դիսնեյլենդ» էին ժամանել ոստիկանության զգալի ուժեր:

Միջադեպի հետեւանքով մի քանի մարդ ստացել է թեթեւ վնասվածքներ: