Իսպանիայի թագավոր Ֆելիպե VI-ը եւ նրա կինը՝ թագուհին Լետիսիան, որոնք պետական այցով կիրակի լույս երկուշաբթի գիշերը ժամանել էին Արգենտինա, գրեթե մեկ ժամ մնացել են ինքնաթիռում՝ անհրաժեշտ բարձրության օդանավասանդուղքի բացակայության պատճառով, գրում է Vanguardia-ն:
Թագավորական զույգին տեղափոխող իսպանական ՌՕՈՒ Airbus օդանավը Բուենոս Այրես է ժամանել երեկոյան մոտավորապես 9-ին:
Վայրէջքից հետո Ֆելիպե VI-ը եւ թագուհին Լետիսիան պետք է իջնեին իրենց սպասող պատվիրակության մոտ՝ Իսպանիայի եւ Արգենտինայի ԱԳ նախարարների եւ այլ պատվավոր հյուրերի, սակայն բերված օդանավասանդուղքը չի հասել ինքնաթիռի դռնաը:
Խնդրի լուծման տարբերակների թվում քննարկվում էր թագավորական ինքնաթիռը Էսեյս օդանավակայան ուղարկելը՝ Արգենտինայի մայրաքաղաքի եւս մեկ օդակայան: Ի վերջո Airbus-ին անհրաժեշտ բարձրության սանդուղք են մոտեցրել եւ Իսպանիայի միապետը մեկ ժամ սպասելուց հետո կարողացել է իջնել դիմավորողների մոտ:
Ֆելիպե VI-ը կնոջ հետ Արգենտինա ժամանելու հրավեր էին ստացել երկրի նախագահ Մաուրիսիո Մակրիից:
Ուղեւորությունը կոչված է «ցույց տալ երկկողմ հարաբերությունների ինտենսիվությունը եւ դրանք խորացնելու եւ բազմաբնույթ դարձնելու մտադրությունը»: