Եվրոպական միությունը կոչ է անում անցյալ շաբաթ Իսրայելի ընտրություններից հետո վերականգնել իսրայելա-պաղեստինյան խաղաղ բանակցությունները։
ԵՄ հայտարարության մեջ նշվում է, որ նա կողմերի հետ կաշխատի «այն բանի համար, որ հասնի արդար եւ ամուր խաղաղության ուղղությամբ առաջընթացի՝ հիմնված երկու երկրների որոշման վրա»՝ հայտնում է AP-ը։
Իսրայելի վարչապետ Բենիամին Նեթանյահուի «Լիկուդ» կուսակցությունը ապրիլի 9-ի ընտրություններում ստացել է խորհրդարանի ձայների մեծամասնությունը։ Ակնկալվում է, որ առաջիկա շաբաթներին այն կձեւավորի նոր աջ խմբակցություն, որի մեջ գերիշխող կլինեն Պաղեստինի անկախության դեմ հանդես եկողները։
Նախընտրական քարոզարշավի ժամանակ Նեթանյահուն խոսում էր արեւմտյան ափին բնակավայրերի անեքսիայի մասին։ Դա քայլ է, որը երկու պետությունների որոշման համար հնարավորություններ չի թողնի։
Սպասվում է, որ Թրամփի վարչակազմը առաջիկայում պետք է ներկայացնի իսրայելա-պաղեստինյան կարգավորման խաղաղ պլան, սակայն հայտնի չէ, թե այն հաշվի կառնի արդյոք երկու պետությունների որոշումը։