ՀՀ ԶՈւ-ում հարկավոր է վերականգնել «մարզական վաշտը»:
Ապրիլի 17-ին Ազգային ժողովում կառավարության հետ հարցուպատասխանի ժամանակ այս մասին հայտարարեց պաշտպանության նախարար Դավիթ Տոնոյանը՝ պատասխանելով պատգամավոր եւ մարզիկ Արսեն Ջուլֆալակյանի հարցին:
Միեւնույն ժամանակ, նա նշեց, որ որոշ հաջողությունների հասած մարզիկներ արդեն ազատվում են զինվորական ծառայությունից, որպեսզի չկորցնեն իրենց մարզական կազմվածքը:
«Սակայն մարզական վաշտի ստեղծումը նույնպես անհրաժեշտ է եւ համապատասխան աշխատանքն արդեն տարվում է», - ասաց Տոնոյանը: