Իշխող «Արդարություն եւ զարգացում» կուսակցությունը կշարունակի վիճարկել Ստամբուլի ընտրությունների արդյունքները այն բանից հետո, երբ ընդդիմության հիմնական թեկնածուն քաղաքապետ դառնա։ Այս մասին հայտարարել է Թուրքիայի նախագահ Ռեջեփ Թայիփ Էրդողանը՝ հավելելով, որ երկրին անհրաժեշտ է դադարեցնել այդ հարցով բանավեճերը եւ կենտրոնանալ այնպիսի հարցերի վրա, ինչպիսին տնտեսությունն է՝ հայտնում է Reuters-ը։
17 օրվա բողոքարկումներից հետո Ազգային հանրապետական կուսակցությունից Էքրեմ Իմամօղլին ստանձնել է պաշտոնը՝ չնայած այն բանին, որ ԱԶԿ-ն մտադիր է խնդրել արդյունքների չեղարկման եւ Ստամբուլի քաղաքապետի նոր ընտրությունների մասին։
Էրդողանի խոսքերով, Թուրքիան պետք է արդյունավետ օգտագործի հաջորդ ընտրությունների ժամանակաշրջանը եւ լուծի տնտեսական, անվտանգության խնդիրները՝ առաջ մղելով կառուցողական բարեփոխումները։
Քաղաքապետի ընտրություններում Իմամօղլուի հաղթանակը ծանր հարված էր Էրդողանի համար եւ վերջ դրեց Ստամբուլում ԱԶԿ-ի եւ նրա իսլամիստական նախորդների 25-ամյա վերահսկողությանը։