ԱՄՆ-ը ողջունում է Ադրբեջանի եւ Հայաստանի արտգործնախարարների հավանական հանդիպումը Վաշինգտոնում։
«Առանձնապես ասելու բան չունեմ։ Մենք ողջունում ենք ԱԳՆ ղեկավարների հանդիպումը, որն անցել է Մոսկվայում, ինչպես նաեւ հայտարարությունը, որն արվել է հանդիպումից հետո։ Մենք բոլորս անհամբերությամբ սպասում ենք երկխոսության շարունակմանը։ Մենք ուրախ ենք, որ ԱԳՆ ղեկավարները կանցկացնեն հերթական հանդիպումը»,- ասել է Ադրբեջանում ԱՄՆ դեսպան Էռլ Լիտցենբերգերը, տեղեկացնում է Trend-ը։
Լիտցենբերգերը նշել է, որ ԱՄՆ-ը երկար ժամանակ ԵԱՀԿ Մինսկի խմբի երեք համանախագահներից մեկն է, եւ խմբի ու համանախագահների նպատակն է երկու կողմերին հակամարտության խաղաղ լուծման բերելը։