Երեքշաբթի Տրիպոլիի արեւելյան մասում 4 հաջորդական պայթյուններ են տեղի ունեցել, «ՌԻԱ Նովոստիին» հաղորդել են տեղացիները:
«4 հաջորդական ուժեղ պայթյուն ենք լսել հիմա: Պայթյունները եղել են Տրիպոլիի արեւելյան Այն Զարա եւ Խալլյա ալ Ֆերջան շրջաններում», - ասել են ականատեսները:
Լիբիայի ազգային բանակի հրամանատար մարշալ Խալիֆա Հաֆթարն ապրիլի 4-ին իր ուժերին հրամայել էր հարձակում սկել Տրիպոլիի վրա՝ ահաբեկչներից ազատագրելու համար:
Հաֆթարի բանակի ստորաբաժանումները վերահսկողության տակ են առել Գարյան եւ Սուրման քաղաքները:
2011 թվականին Լիբիայի առաջնորդ Մուամար Քադաֆիի տապալումից եւ սպանությունից հետո Լիբիան գրեթե դադարեց գործել որպես միասնական պետություն: Այժմ երկրում երկիշխանություն է: Արեւելքում գտնվում է ժողովրդի կողմից ընտրված խորհրդարանը, իսկ արեւմուտքում՝ Տրիպոլիում, կառավարում է ՄԱԿ-ի եւ ԵՄ-ի աջակցությամբ ձեւավորված ազգային համաձայնության կառավարությոըւնը՝ Ֆայեզ Սարաջեյի գլխավորությամբ: Երկրի արեւելյան մասի իշխանությունները Տրիպոլիից անկախ են գործում եւ համագործակցում են Լիբիայի ազգային բանակի հետ: