Ավագանու «Իմ քայլը» խմբակցության անդամների եւ ընդդիմադիրներ անդամների միջեւ ընդհանրապես տարբերակում չկա  եւ չի եղել։ Այս մասին հավաստիացրեց Երեւանի քաղաքապետ Հայկ Մարությանը՝ խոսելով ընդդիմադիրների կողմից հնչող բողոքների մասին։

«Ավագանու ընդդիմադիր անդամներին վերաբերվում է այնպես, ինչպես «Իմ քայլի» անդամներին, նաեւ մեր խմբակցության ավագանու անդամները շատ հաճախ ասում են՝ բա՞ մենք ինչի չգիտեինք, տեղյակ չէինք եւ այլն, նույն պատասխանն իրենց եմ տալիս, ինչպես բոլոր մեր հարգարժան ավագանու անդամներին։ Նիստերի ժամանակ ավելի կտրուկ եւ կոնկրետ հարցեր տալիս են մեր խմբակցությունից»,–ասաց նա։