ԵՄ-ի բանկային ոլորտի մրցակցության հարցերով վերահսկիչ մարմինները խոշոր տուգանքներ են սահմանել 5 բանկերի նկատմամբ:
Ամերիկյան Citigroup-ը եւ JP Morgan-ը, բրիտանական Royal Bank of Scotland-ը (RBS) եւ Barclays-ը, ճապոնական Mitsubishi UFG-ը պարտավոր են ընդհանուր առմամբ 1.07 մլրդ եվրո վճարել, հաղորդում է DW-ն:
Այս ֆինանսական ինստիտուտները մեղադրվում են արժույթների արժեքների հետ մեքենայությունների նպատակով կարտելային պայմանավորվածության մեջ: Վերահսկիչ մարմինների տվյալներով՝ փակ չաթերում արժույթների վաճառողները փոխանակվել են գաղտնի տեղեկատվությամբ եւ գործողությունների ծրագրով՝ ժամանակ առ ժամանակ համակարգելով իրենց ռազմավարությունները:
Խոսքը մասնավորապես եվրոյի, ամերիկյան դոլարի եւ շվեյցարական ֆրանկների փոխանակման գործառնությունների մասին է:
UBS շվեյցարական բանկին ազատել են տուգանքից, քանի որ դրա ղեկավարությունն անձամբ հայտնել է անօրինական պայմանավորվածությունների մասին:
ԵՄ Հակամենաշնորհային վարչության ղեկավար Մարգրետ Վեսթագերը հայտնել է, որ արժութային գործառնությունները ֆինանսական շուկայի ամենակարեւոր մասերից են: Նրանց ամենօրյա ծավալը մի քանի միլիարդ եվրո է: