Նյու Յորքի ոստիկանությունը Վուդի Հարելսոնի նման գողին գտնելու համար օգտագործել է դերասանի լուսանկարը, հաղորդում է Esquire-ն:
Հաղորդվում է, որ 2017 թ. ապրիլին անհայտ անձը գարեջուր է գողացել Նյու Յորքի խանութներից մեկում: Տեսախցիկները ֆիքսել են գողության պահը, սակայն գողի դեմքը լավ չի երեւացել:
Ոստիկանները նկատել են, որ նա նման է դերասան Վուդի Հարելսոնին, ում նկարը ներբեռնել են համակարգի մեջ:
Այդ միջոցն աշխատել է. ոստիկանները ձերբակալել են հանցագործին:
Նշվում է, որ Նյու Յորքի ոստիկաններն առաջին անգամը չէ, որ նման մեթոդի են դիմում, սակայն նման մեթոդի կիրառումից կարող են տուժել օրինապահ քաղաքացիները: