Հնդկաստանի հետ պաշտպանական ոլորտում համագործակցության շրջանակում մայիսի 24-ին ՀՀ պաշտպանության նախարար Դավիթ Տոնոյանն ընդունել է Հնդկաստանի պատվիրակությանը, որին ուղեկցել է Հայաստանում Հնդկաստանի արտակարգ եւ լիազոր դեսպան Յոգեշվար Շանգվանը: Հանդիպմանը մասնակցել է նաեւ Հնդկաստանում ՀՀ արտակարգ եւ լիազոր դեսպան Արմեն Մարտիրոսյանը:
Հանդիպման ընթացքում ամփոփվել են ռազմական եւ ռազմատեխնիկական համագործակցության ոլորտում մինչեւ այժմ կատարված աշխատանքները եւ նախանշվել հետագա փոխգործակցության ուղիները: Կողմերը պայմանավորվել են զարգացնել համագործակցությունը եւ կյանքի կոչել վերջին երկու տարիների ընթացքում Հայաստանի եւ Հնդկաստանի պաշտպանության նախարարությունների միջեւ ձեռք բերված բոլոր պայմանավորվածությունները:
Հանդիպման ընթացքում քննարկվել են նաեւ փոխադարձ հետաքրքրություն ներկայացնող այլ հարցեր: