ԱՄՆ նախագահ Դոնալդ Թրամփը՝ ելույթ ունենալով Տոկիոյում գործնական շրջանակների ներկայացուցիչների առաջ, հայտարարել է, որ հույս ունի Ճապոնիայի հետ առեւտուրն առավել ազնիվ դարձնել, հաղորդում է NHK-ը:
«ԱՄՆ-ն եւ Ճապոնիան առեւտրային հարաբերությունների հարցով լարված բանակցություններ են վարում: Հուսով եմ՝ այժմ առավել ազնիվ կլինի այդ առեւտուրը: Կարծում եմ՝ մենք դա կանենք: Մոտակա մի քանի ամիսների ըթնացքում հույս ունեմ մեծ հայտարարություն անել»,- հեռուստաալիքը մեջբերում է Թրամփի խոսքը:
ԱՄՆ նախագահն այսօր ժամանել է Տոկիո: Թրամփը կհանդիպի կայսր Նարուխիտոյի եւ վարչապետ Սինձո Աբեի հետ, կայցելի նաեւ ամերիկյան ռազմաբազա: Թրամփն առաջին պաշտոնական հյուրը կլինի այն բանից հետո, երբ գահը զբաղեցրեց կայսր Նարուխիտոն, հաղորդում է «ՌԻԱ»-ն: