Իրաքի առաջնորդները նախազգուշացրել են պատերազմի վտանգի մասին Իրանի ԱԳ նախարար Մոհամադ Ջավադ Զարիֆի Բաղդադ այցի ժամանակ:
AFP-ի հաղորդմամբ՝ Զարիֆի այցն Իրաք հաջորդել է Մերձավոր Արեւելքում 1500 լրացուցիչ զինծառայողներ ուղարկելու Վաշինգտոնի որոշմանը:
Իրաքի վարչապետ Ադել Աբդել Մահդին նախազգուշացրել է պատերազմի վտանգի մասին Զարիֆի հետ շաբաթ երեկոյան կայացած հանդիպման ընթացքում: Աբդել Մահդին տարածաշրջանում կայունության եւ միջուկային գործարքի պահպանման կոչ է արել:
Իրաքի նապագահ Բահրամ Սալեհը քննարկել է Զարիֆի հետ ցանկացած պատերազմի կամ էսկալացիայի կանխարգելման անհրաժեշտությունը:
Զարիֆը համարել է տարածաշրջանում ԱՄՆ-ի լրացուցիչ զորքերի տեղակայումը շատ վտանգավոր եւ դիտարկել է այն որպես սպառնալիք՝ ուղղված միջազգային խաղաղությանն ու անվտանգությանը: