Cadillac ընկերությունը ներկայացրել է CT4-V եւ CT5-V սեդանների սպորտային տարբերակները, որոնց անվան մեջ ավելացել է V ինդեքսը։ ԱՄՆ-ում այս նորույթների վաճառքը կսկսվի հաջորդ տարվանից, փոխանցում է Autonews-ը։

CT4 սեդանը ստեղծվել է ATS մոդելին փոխարինելու համար, որը դուրս է եկել արտադրությունից։ Սկզբում ամերիկացիները  որոշել են
ցուցադրել մեքենայի V մոդիֆիկացիան, բայց ստանդարտ մոդելը եւս պետք է թողարկվի մոտ ժամանակներս։

Ընկերությունում նշել են, որ շնորհիվ սպորտային կանգնակների կիրառման, ինժեներները կարողացել են հասնել գրեթե կատարյալ քաշի բաշխման, որը մոտ է 50:50-ի։ V սերիային պատկանելու մասին վկայում են նաև թողարկման համակարգի չորս կարճ խողովակները եւ բեռնախցիկի հատվածի ոչ մեծ սփոյլերը։ Cadillac CT4-V-ն ունի 2.7 լիտրանոց գերարագ «չորսնոց», որը զարգացնում է 324 ձիաուժ եւ 500 պտույտ: Համեմատության համար նշենք, որ V6-ի նախորդի՝ATS-V-ի 3,6 լիտրանոց շարժիչն  ուներ 470 ձիաուժ եւ 603 նյուտոն-մետր։