Պետերբուրգի միջազգային տնտեսական համաժողովի շրջանակում վարչապետ Նիկոլ Փաշինյանը հանդիպել է IRNA գործակալության կառավարող տնօրեն Զիյա Խաշեմիի հետ:
Հանդիպման ընթացքում Խաշեմին ընդգծել է երկու երկրների միջեւ բոլոր ոլորտներում երկկողմ կապերի ընդլայնման կարեւորությունը, հատկապես ԶԼՄ ոլորտում: Նա նաեւ նշել է Իրանի եւ Հայաստանի միջեւ լրատվամիջոցների պատվիրակությունների փոխանակման հնարավորությունը՝ հավելելով, որ համագործակցության զարգացումը կհանգեցնի այլ ոլորտներում հարաբերությունների ամրապնդմանը, հաղորդում է ԻՌՆԱ-ն:
Մինչ այդ Փաշինյանը երախտագիտություն է հայտնել IRNA գործակալության ղեկավարին ԶԼՄ ոլորտում երկու երկրների միջեւ համագործակցության ընդլայնմանն ուղղված նախաձեռնությունների համար: