New York Times-ը մարդկանց վրա փորձարկել է տեքստային գեներացիայի նորագույն ալգորիթմերը: Դրանք արագորեն բարելավվում են. առավել դժվար է դառնում տարբերել մարդու գրած եւ մեքենայի կազմած տեքստը, գրում է Hightech+-ը:
Առավելագույնը մի քանի տարի անց դա զանգվածային թիրախավորման զենք կդառնա:
Վերջին շրջանում 2 տպավորիչ ալգորիթմ է ի հայտ եկել, որոնք համադրում են իրական տեքստերը: Դրանցից մեկը GPT-2-ն է, որը ստեղծել են OpenAI-ում եւ անմիջապես գաղտնիացրել:
Սակայն մշակողները մտադիր են բացահայտել բոլոր մանրուքները մոտ ժամանակներս: New York Times թերթը բացահայտել է այդ տեխնոլոգիան եւ դրա վտանգները: Այժմ լրագրողները վստահ են, որ մի քանի տարի անց համացանցը կթաղվի կեղծ տեղեկատվության կույտի մեջ:
Լրագրողները շարունակում են հետազոտությունը սոցցանցերում գրառումների ձեւաչափով: Նրանք ընտրել են, թե ում պետք է քննադատել՝ հանրապետականներին կամ դեմոկրատներին, կամ ներգաղթյալների հոսքն ու առողջապահության գները:
Արդյունքը տպավորիչ է: Օրինակ, հաղորդագրություններից մեկում նույնիսկ կա ԱՄՆ նախագահ Դոնալդ Թրամփի կեղծ թվիթթերյան հղումը:
Թերթը նշում է, որ նկատելի են նաեւ արհեստական ինտելեկտի թերությունները: Հոդվածներում հաճախ չկա տրամաբանություն, իսկ որոշ արդյունքներ իմաստ չունեն:
Այդուհանդերձ, լրագրողները վստահ են՝ մոտ ապագայում այդ տեքստերն անհնար կլինի տարբերել մարդու կազմած տեքստերից:
Եվ դա նշանակում է, որ մենք կթաղվենք ապատեղեկատվության կույտի, ֆեյք նորությունների եւ կարծիքների մեջ: