Սպիտակ տունը չի բացառում ԱՄՆ նախագահ Դոնալդ Թրամփի եւ Հյուսիսային Կորեայի առաջնորդ Կիմ Չեն Ին երրորդ հանդիպման հնարավորությունը:
Սպիտակ տան հաղորդմամբ՝ նման հնարավորություն կա, սակայն «գնդակը Փհենյանի կողմում է գտնվում»: Այս մասին հայտարարել է ԱՄՆ նախագահի ազգային անվտանգության հարցերով խորհրդական Ջոն Բոլթոնը, հաղորդում է Reuters-ը:
«Ամեն ինչ կախված է Կիմ Չեն Ինից: Եթե նրանք պատրաստ են, մենք պատրաստ ենք»,- ասել է Բոլթոնը:
Թրամփ-Կիմ Չեն Ին վերջին հանդիպումը կայացել էր փետրվարին Հանոյում:
Ավելի վաղ հյուսիսկորեական պետական լրատվամիջոցները Վաշինգտոնին կոչ էին արել հրաժարվել Փհենյանի նկատմամբ «թշնամական քաղաքականությունից»: