Երեւանում կենդանիների պաշտպանների ջանքերով բվեճի են փրկել:
Ինչպես հայտնում է TSE NGO հասարակական կազմակերպության տնօրեն, կենսաբանական գիտությունների թեկնածու Կարեն Աղաբաբյանը Armenian Birdwatching Association ֆեյսբուքյան խմբում, երեկ զանգեր է Երեւանի բնակիչներից, որ Բուսաբանական այգում վիրավոր բվեճ կա: Բուսաբանական այգի է մեկնել Մանուկ Մանուկյանը, որն անհրաժեշտ քայլեր է ձեռնարկել Էկո տեսչության ներկայացուցչի հետ:
Արդյունքում՝
- թռչունը փրկվել է: Շնորհակալություն Մանուկ Մանուկյանին եւ Սիլվա Ադամյանին եւ բոլոր այն բնակիչներին, որոնք ահազանգել են: Շատ օպերատիվ եւ որակյալ արձագանքել է մեր ԱԻՆ-ը եւ էկոլոգիական տեսչությունը,
- դա բվեճ է, սակայն ոչ թե վիրավոր է եղել, այլ բաց է թողնվել նախորդ տիրոջ (անհայտ է) կողմից: Ամենայն հավանականությամբ, թռչունը պահվում էր նեղ վանդակում, քանի որ նրա թեւերը կոտրված են: Նախորդ տերը նրան պարզապես բաց է թողել Բուսաբանական այգում՝ ինչ-որ բանի հույս ունենալով,
- էկոլոգիական տեսչությունը փաստաթղթավորել է փաստը եւ թռչնին տեղավորել «Զօօ Ֆաունա» ՍՊԸ-ում: Նախ թռչունը պետք է վերականգնվի, ապա նրան բաց թողելու որոշում կկայացվի: Իրադարձությունների հետագա զարգացման մասին կտեղեկացնենք»,- հայտնել է Կարեն Աղաբաբյանը: