Հնդկաստանում հայտարարել են պետական կառույցի ստեղծման մասին, որը տիեզերական զենք է ստեղծելու:
Անցյալ տարի հնդիկ զինվորականները արդեն հրթիռի միջոցով արբանյակ էին ոչնչացրել, հաղորդում է Futurism-ը:
Մի քանի ամիս առաջ NASA-ն Հնդկաստանին մեղադրել էր Միջազգային տիեզերակայանի սպառնալիքի մեջ, քանի որ փորձարկումների ժամանակ հնդիկ զինվորականները արբանյակ էին խոցել եւ ավելացրել տիեզերական աղբի քանակությունը, որը կարող է վնաս հասցնել ՄՏԿ-ին:
Հակառակ դրան զարգացող տիեզերական պետությունը որոշել է առանձին կառույց ստեղծել, որը տիեզերական զենք կզարգացնի: Հնդկաստանի իշխանությունները հայտարարել են տիեզերական հետազոտությունների պաշտպանական գործակալության ստեղծման մասին, որը առանձին կգործի Պաշտպանության նախարարությունից եւ երկիրը կպաշտպանի տիեզերքից հարձակումների դեպքում: