ՌԴ նախագահ Վլադիմիր Պուտինն ու ԱՄՆ նախագահ Դոնալդ Թրամփը «ոտքի վրա» հանդիպում կանցկացնեն Օսակայում G20-ի գագաթնաժողովի շրջանակում: Այս մասին հայտարարել է Կրեմլի խոսնակ Դմիտրի Պեսկովը, հաղորդում է ՌԻԱ Նովոստի-ն:
«Մենք ոչինչ չգիտենք, թե արդյոք նման հանդիպում նախապատրաստում են մեր ամերիկացի գործընկերները: Այդ առումով որեւէ տեղեկություն չունենք: Դեռեւս կարող ենք ասել, որ Պուտինն ու Թրամփը կմասնակցեն Օսակայում «Մեծ քսանյակի» գագաթնաժողովին, որի ժամանակ կարող են «ոտքի վրա» հանդիպում անցկացնել: Մնացածի մասին դեռեւս հայտնի չէ»,- ասել է նա:
Նշենք, որ «Մեծ քսանյակի» գագաթնաժողովը կանցկացվի Օսակայում հունիսի 28-29-ը: