«Քաղաքացիական պայմանգիր» կուսակցությունն այսօր՝ հունիսի 16-ին, անցկացնում է իր 5-րդ համաժողովը։ ՔՊ-ական, Տարածքային կառավարման եւ ենթակառուցվածքների նախարար Սուրեն Պապիկյանը նշեց, որ գրանցվել է 313 պատվիրակ՝ ընդհանուր 449 պատվիրակից, եւ հայտարարեց համաժողովի մեկնարկը։

Համաժողովն ընտրելու է վարչության նոր կազմ, ընտրությունը կատարվելու է վարկանշային փակ քվեարկությամբ, առաջադրված 51 թեկնածուներից առավել ձայն հավաքած 21-ը կհամարվեն ընտրված։

Համաժողովին մասնակցում է նաեւ ՀՀ վարչապետ, ՔՊ անդամ Նիկոլ Փաշինյանը։

Նշենք, որ նախատեսված է նաեւ վերահսկող հանձնաժողովի նոր կազմի ընտրություն։ Հանձնաժողովի 7 տեղերի համար առաջադրվել է 30 թեկնածու։