Մոսկվա թռչող Եկատերիբուրգի № 40 Քաղաքային կլինիկական հիվանդանոցի վիրաբույժ Վսեվոլոդ Դունաեւը փրկել է «Աերոֆլոտ» ավիաընկերության չվերթի ուղեւորին, հաղորդում է Life-ը՝ վկայակոչելով E1 պորտալին:
Դունաեւը հարսնացուի եւ ընկերների հետ Մոսկվայով թռչել է սեփական հարսանիքին Կրետե կղզի: Բժիշկը պատմում է, որ թռիչքից քիչ անց նրան է մոտեցել ընկերը եւ ասել, որ ուղեւորներից մեկին բժշկական օօգնություն է պահանջվում:
«Այնտեղ մոտ 55 տարեկան տղամարդ էր: Ես չափեցի ճնշումը, սրտամկանի ինֆարկտ կասկածեցի: Նրա մոտ կային բոլոր նախանշանները՝ ցավ կրծքավանդակի հետեւում, վատ ինքնազգացողություն», - ասել է բժիշկը:
Դունաեւը նշել է, որ տղամարդը կնոջ հետ մեկնում էր մայրաքաղաք որդու մոտ եւ շատ էր անհանգստանում ինչ-որ խնդրի պատճառով:
Վսեվոլոդը հիշում է, որ նա ամբղոջ սրահով հավաքում էր բոլոր անհրաժեշտ դեղամիջոցները եւ բորտուղեկցորդներին խնդրում տուժողին տեղափոխել բիզնես դաս, սակայն «Աերոֆլոտի» աշխատակիցները հայտարարել են, որ իբրեւ թե տեղ չունեն:
«Դա շատ տգեղ էր. բիզնես դասը դատարկ էր. ընդամենը երկու մարդ էր նստած: Մենք նրան հետեւի նստատեղին տեղափոխեցինք, այնտեղ կարելի էր պառկել:
Որովհետեւ սրտամկանի ինֆարկտի ժամանակ ամենակարեւորը թթվածին տալն է: Ես արձակեցի օձիքը, պառկեցրեցի նրան, մենք նրան թթվածնային դիմակ հագցրեցինք», - շարունակել է բժիշկը: