Իրանը անվտանգության երաշխավոր է Պարսից ծոցում եւ Հորմուզի նեղուցում:Այս մասին հայտարարել է երկրի բարձրագույն ազգային անվտնագության քարտուղար Ալի Շամհանին՝ ամերիկյան զորքերը նշելով որպես տարածաշրջանում անկայունության հիմնական պատճառ, հաղորդում է Tasnim-ը:
«Մենք բազմիցս ընդգծել ենք, որ Պարսից ծոցում եւ Հորմուզի նեղուցում անվտանգության երաշխավոր ենք եւ ընդգծել ենք մեր սկզբունքային դիրքորոշումը տարբեր շրջաններում ամերիկյան զինվորականների ներկայության դադարեցման կապակցությամբ», - հավելել է նա:
Շամհանին նշել է, որ իրանական հետախուզությունը վերջերս բացահայտել է «ամերիկյան բարդ կիբեր ցանց»` նշելով, որ ստացված տվյալները օգնել են որոշ երկրներին խոշոր կանխարգելիչ միջոցառումների իրականացման հարցում: Նրա խոսքով, ամերիկացիներն այս միջադեպն անվանել են «սկանդալային կիբեր պարտություն»: