Երեւանում աղբահանության նորմալ սպասարկման համար պետք է մոտ 70 աղբատար մեքենա, իսկ այսօր քաղաքը սպասարկում է 17-18 մեքենա: Այս մասին, այսօր՝ հունիսի 17-ին, Երեւանի ավագանու արտահերթ նիստում հայտարարեց քաղաքապետ Հայկ Մարությանը:

Ընդ որում, ըստ նրա, այդ 17-ից 12-ն է «Սանիթեքինը», մնացած 5-ը քաղաքապետարանի «Կամազ»-ներն են: Հայկ Մարությանը հավելեց, որ հիմա նոր համայնքային հիմնարկ ստեղծելով եւ նոր շարժակազմ բերելով բարելավելու են վիճակը, սակայն լավագույն ցուցանիշի հասնելու համար իրենց լրացուցիչ մեքենաներ են պետք լինելու: